

D3379

།པཎྜི་ཏ་དོན་ཡོད་རྡོ་རྗེ་དང་། ཁམས་པ་ལོ་ཙཱ་བ་དགེ་སློང་བ་རིས་བསྒྱུར་བའོ།།[་]@##། །རྒྱ་གར་སྐད་དུ། མ་ཧཱ་སཱ་ཧ་སྲ་པྲ་མརྡ་ནཱི་སཱ་དྷ་ནཾ། བོད་སྐད་དུ། སྟོང་ཆེན་མོ་རབ་ཏུ་འཇོམས་མ་ཞེས་བྱ་བའི་སྒྲུབ་ཐབས། འཕགས་མ་སྟོང་ཆེན་མོ་རབ་ཏུ་འཇོམས་མ་ ལ་ཕྱག་འཚལ་ལོ།།སྔོན་བཞིན་ཁོ་ནར་ཐམས་ཅད་བྱས་ལ། སྟོང་པ་ཉིད་ཀྱི་རྗེས་སུ་སྟོང་ཆེན་མོ་རབ་ཏུ་འཇོམས་མ་དཀར་མོ་ཞལ་གཅིག་མ། ཕྱག་དྲུག་པ། གཡས་པའི་ཕྱག་གསུམ་རྣམས་སུ་གོ་རིམས་ཇི་ལྟ་བར་རལ་གྲི་དང་། མདའ་དང་མཆོག་སྦྱིན་པའོ། །གཡོན་པའི་ཕྱག་གསུམ་རྣམས་སུ་གཞུ་དང་། ཞགས་ པ་དང་དགྲ་སྟའོ།།སྣ་ཚོགས་པའི་ཆ་ལུགས་ཀྱི་ན་བཟའ་དང་། རྒྱན་དང་། དབུ་རྒྱན་དང་། ལང་ཚོ་ལ་བབས་པའི་གཟུགས་སྒེག་པ་ལ་སོགས་པའི་ཡོན་ཏན་ཅན་རྣམ་པར་སྣང་མཛད་ཀྱི་དབུ་རྒྱན་ཅན། བྲུཾ་གྱི་ས་བོན་ལས་བྱུང་བའི་ཟླ་བའི་གདན་དང་ཟླ་བའི་རྒྱབ་རྟེན་ཅན་ནོ། །ོཾ་བྲུཾ་ཞེས་པའི་སྔགས་བརྗོད་པར་བྱའོ། །